एसईई, कक्षा ११ र १२ को परीक्षाकोबारेमा एक हप्तामा निर्णय हुनेछःः शिक्षामन्त्री
कोरोनाको कारण अन्योलमा रहेको कक्षा १० एसईई, कक्षा ११ र १२ को परीक्षाका बारेमा एक साताभित्र निर्णय गरिने छ ,यो जनकारी शिक्षामन्त्री गिरीराज मणी पोखरेलले बताएका छन् ।
शिक्षा पत्रकार सञ्जाल ईजोन ले बिहीवार आयोजना गरेको भर्चुअल संवादमा उनले ती परीक्षाका विषयमा विभिन्न तीन विकल्पमा अध्ययन भइरहेको र त्यसका बारेमा आगामी साताभित्र निचोडमा पुगिने बताएका छन् ।
उनले अहिले परीक्षा सञ्चालन गर्न सकिन्छ वा सकिंदैन, परीक्षा सञ्चालन गर्न सम्भव नभए राष्ट्रिय परीक्षा बोर्डले मान्यता दिन कस्तो कानूनी उपाय अवलम्बन गर्नुपर्छ र कक्षा १० को परीक्षालाई नयाँ रूपमा सञ्चालन गर्न सकिन्छ वा सकिंदैन भन्ने विकल्पका मन्त्रिपरिषद्ले निर्णय गर्ने जानकारी दिए ।
उनले बन्दाबन्दीपछि अन्तिममा शिक्षण संस्था नै खुल्ने र त्यतिञ्जेलका लागि अस्थायी समाधान गर्न वैकल्पिक प्रणालीबाट विद्यार्थीको सिकाइ सहजीकरण निर्देशिका कार्यान्वयनमा ल्याइएको उल्लेख गरे ।
‘आगामी असार १ गतेबाट विद्यालय खोल्न खोजिएको होइन’, उनले भने, ‘तत्कालका लागि विकल्प मात्र हो, ४५ दिनपछि पनि यस्तै अवस्था रहेमा विभिन्न तीन योजनाका साथ अगाडि बढ्नेछौं, दशैं अगाडि कसरी जाने र दशैं पछाडि कसरी जाने भन्ने योजना बन्नेछ ।’
मन्त्री पोखरेलले निर्देशिका कार्यान्वयनमा स्थानीय तहको भूमिका नै महत्वपूर्ण हुने स्पष्ट गर्दै भने, ‘पहिलो १५ दिनको काम हेरौं, सबै विद्यार्थी त्यसबाट लाभान्वित भए त्यसलाई शैक्षिकसत्रसँग जोड्न सकिन्छ र त्यसले औपचारिक मान्यता पाउने छ ।
Comments
Post a Comment